लाइभ स्ट्रिमिङ सेवा सुरु गर्दै ,कसरि लाइभ स्ट्रिमिङ गर्ने ??
फेसबुकले केही साता अघि मात्रै आफ्नो एपमार्फत लाइभ स्ट्रिमिङ सेवा सुरु गरेको छ । यसअघि यो सेवा फेसबुकको मेन्सन नामक एपमार्फत गर्न सकिन्थ्यो । अहिले भने यो सोझैं फेसबुकको मोबाइल एपबाट गर्न सकिन्छ । र, यो धेरै सजिलो पनि बनाइएको छ । नेपालमा यो सुविधा लागू नभए पनि अहिले ३० वटा देशका फेसबुक प्रयोगकर्ताले लाइभ स्ट्रिमिङ सेवा पाइरहेका छन् । यो सेवा त्यसअघि केही समय अमेरिकाका प्रयोगकर्तामा मात्रै सीमित थियो । त्यो सेवा ति देशका फेसबुक प्रयोगकर्तामध्ये पनि आईओएस डिभाइसमा फेसबुक एप प्रयोग गर्नेहरूले अहिले लाइभ स्ट्रिमिङको सुविधा प्रयोग गर्न पाउँछन् । र, यो लोकप्रिय बन्दै गइरहेको छ । यो लोकप्रिय हुनुको कारण भनेको यसको सजिलो प्रक्रिया हो । केही समयमा यो सबै देशका प्रयोगकर्ताको लागि खुला हुनेछ र सबैमा भिडियो लाइभ स्ट्रिमिङ तरिका भने समान हुनेछ । केही समयमा एन्ड्रोइड र आईओएस दुवै एपका प्रयोगकर्ताले यो सुविधा पाउनेछन् । यो सुविधा कसरी प्रयोग गर्न सकिन्छ ? यसको प्रक्रिया यस्ता छन् :
–एपको स्टाटस लेख्ने स्थानमा क्लिक गर्ने ।
–फोटो, ट्याग, इमोसन र लोकेसनभन्दा दायाँपट्टि छेउमा लाइभ स्ट्रिमिङको अप्सन छ ।
–उक्त अप्सनमा क्लिक गरेपछि भिडियो स्ट्रिमिङको लागि तयार हुनेछ ।
–आफूलाई चाहिएको बखतमा रातो बटन थिचेर लाइभ स्ट्रिमिङ गर्न सकिन्छ ।
फेसबुकमा लाइभ स्ट्रिमिङ ३० मिनेटसम्मको मात्रै हुन्छ । र, त्यो भन्दा बढी समय गर्नुपर्ने भए त्यसलाई इन्ड गरेर फेरि सुरु गर्नुपर्ने हुन्छ । साथै, ३० मिनेट अघि जुनसुकै समयमा पनि लाइभ स्ट्रिमिङ रोक्न सकिन्छ । लाइभ स्ट्रिमिङ सकिएपछि उक्त भिडियो न्यूजफिडका अन्य भिडियोजस्तै गरी बस्नेछ ।
फेसबुकले लाइभ स्ट्रिमिङ सुरुवात गर्नुअघि नै ट्वीटरले पेरिस्कोप नामक एपमार्फत लाइभ स्ट्रिमिङको सुविधा सुरु गरेको थियो । जुन स्मार्टफोनमार्फत छोटोछोटो समयको लागि स्ट्रिमिङ गर्न लोकप्रिय छ । पेरिस्कोपबाट खिचिएको भिडियो ट्वीटरमार्फत अरु मानिसले हेर्न सक्नेछन् । यसको प्रक्रिया पनि ज्यादै सजिलो छ । आफ्नो एन्ड्रोइड वा आईओएस डिभाइसमा पेरिस्कोप डाउनलोड गरेर सजिलै लाइभ स्ट्रिमिङ गर्न सकिन्छ । यसमा ट्वीटरमा सेयर नगर्ने, आफूलाई फलो गर्ने मानिसलाई मात्रै देखाउने कि सबैलाई देखाउने, वा कसैले नदेख्ने गरी लाइभ गर्ने जस्ता अप्सनहरू छन् ।
मिरक्याट र स्न्यापच्याटजस्ता एपले पनि भिडियो लाइभ स्ट्रिमिङको सुविधा दिन्छन् तर फेसबुक र ट्वीटरको बढी प्रयोगकर्तासमक्ष पहुँच भएकाले उनीहरूको एप बढीले प्रयोग गरिहाल्छन् र चर्चित बनिहाल्छ ।
यूट्युवले पनि अबको केही महिनापछि यसरी सोझैं भिडियो स्ट्रिमिङ गर्नमिल्ने एप सार्वजनिक गर्दैछ । अहिले विभिन्न थर्ड पार्टी एपको प्रयोग गरेर मोबाइलबाट यूट्युवमा भिडियो स्ट्रिमिङ गर्न सकिन्छ तर यो प्रक्रिया झन्झटिलो हुन्छ । फेसबुक, ट्वीटरजस्ता कम्पनीको लाइभ स्ट्रिमिङ एपसँग प्रतिस्पर्धा गर्ने गरी यूट्युवले सजिलै यूट्युवमा लाइभ गर्न मिल्ने एप ल्याउन लागेको हो ।
From:Ekantipur
No comments:
Post a Comment