अन्तराष्ट्रिय क्रिकेट परिषद (आइ.सी.सी.)ले विश्व क्रिकेट लिग च्याम्पीयनसिप अन्तर्गत नेपाल र हङकङबीच हुने खेलको मिति तय गरेको छ। नेपालले लिग अन्तर्गत ११औं र १२ औं खेल दुवै हङकङकै घरेलु मैदानमा खेल्ने भएको हो।
आइसीसीको वेबसाइटमा जनाए अनुसार नेपालले हङकङसंग यहि आश्विन २७ र २९ गते (अक्टोबर १३ र १५) हङकङ स्थित मङ हकमा २ खेल खेल्नेछ। नेपाल र हङकङबिचको खेल टिन क्वोङ रोड रिक्रिएसन मैदानमा खेलिनेछ।
नेपालले डब्लुसीएल च्याम्पीयनसिपमा १० खेल खेल्दै ८ अंक जोडेको छ। अंक तालिकाको छैठौं स्थानमा रहेको नेपालले विश्वकप छनोट खेल्न आफ्नो बाँकी रहेका ४ खेल जित्नैपर्ने स्थिति रहेको छ। नेपालको प्रतिद्वन्द्वी हङकङले भने १० खेलमा ११ अंक जोड्दै तालिकाको तेश्रो स्थानमा छ।
नेपालले युनाइटेड अरब इमिरेट्स (यु.ए.ई) संग पनि २ खेल खेल्न बाँकी छ।
source:hamrokhelkud.com
No comments:
Post a Comment